ជាតិ
ព្រឹកថ្ងៃទី២ ឧសភា នគរបាលរាជធានីភ្នំពេញ ឃាត់បានម៉ូតូ និងរថយន្តល្មើសច្បាប់៨៤គ្រឿង
×![]()
ភ្នំពេញ៖ នៅព្រឹកថ្ងៃទី២ នៃការរឹតបន្តឹងការអនុវច្បាប់ចរាចរណ៍ផ្លូវគោក នគរបាលចរាចរណ៍ ឃាត់បានម៉ូតូស្មើល៧៥គ្រឿង និងរថយន្ត៩គ្រឿង។ សរុបយានយន្តដែលល្មើលមានចំនួន៨៤គ្រឿង។ តួលេខនេះថយចុះខ្លាំង បើនឹងព្រឹកថ្ងៃដំបូងនៃការរឹងបន្តឹងច្បាប់ចរាចរណ៍ ដែលមានបទល្មើសដល់ទៅ ៩៨០គ្រឿង។ នេះបើយោងតាមចុះផ្សាយរបាយការណ៍ ដែលចុះផ្សាយនៅទំព័រហ្វេសប៊ុកស្នងការនគរបាលរាជធានីភ្នំពេញ។ 
តាមប្រភពដដែល ក្នុងចំណោមម៉ូតូទាំង៧៥គ្រឿង មានករណីអត់ពាក់មួកចំនួន៤១គ្រឿង ,គ្មានបណ្ណបើកបរចំនួន៤គ្រឿង, គ្មានស្លាកលេខចំនួន៤គ្រឿង, និយាយទូរស័ព្ទ១គ្រឿង,អត់កញ្ចក់ចំនួន៦គ្រឿង, ឈប់លើគំនូស និងភ្លើងចំនួន៩គ្រឿង, ជិះបញ្ច្រាស់ចំនួន២គ្រឿង, ដឹកលើសចំណុះចំនួន៣គ្រឿង និងកែច្នៃចំនួន៥គ្រឿង។ ចំណែករថយន្តដែលល្មើសទាំង៩គ្រឿង មានករណីអត់ពាក់ខ្សែក្រវាត់៣គ្រឿង, បើកបរប្រើទូរស័ព្ទ១គ្រឿង មិនគោរពសញ្ញាចរាចរណ៍២គ្រឿង និងបើកបញ្ច្រាស់៣គ្រឿង។
សូមបញ្ជាក់ថា នៅថ្ងៃទី១ នៃការរឹតបន្តឹងអនុវត្តការច្បាប់ចរាចរណ៍ ដោយគិតចាប់ពីម៉ោង៧ព្រឹក ដល់ម៉ោង៤កន្លះរសៀល នគរបាលចរាចរណ៍ ឃាត់បានរថយន្តល្មើសច្បាប់ ១៤៨គ្រឿង និងម៉ូតូ ១,១៧៤គ្រឿង៕
Tag:
ចរាចរណ៍
© រក្សាសិទ្ធិដោយ thmeythmey.com
