ជាតិ
ឫស្សីសាងម៉ុនដែលយកទៅច្នៃជាសង្ហារិម និងវត្ថុលម្អផ្សេងៗ កាន់តែមានតម្រូវការច្រើនលើទីផ្សារ
× ឫស្សីសាងម៉ុន ជាប្រភេទឈើមួយដែលមានអត្ថប្រយោជន៍យ៉ាងច្រើនក្រាស់ក្រែល និងដែលប្រជាពលរដ្ឋកម្ពុជាមួយ កំពុងដាំដុះ។ ឫស្សីមួយប្រភេទ ក្រៅតែអាចបរិភោគ(ទំពាំង) ដើមរបស់គេអាចយកធ្វើជាគ្រឿងសង្ហារិមលម្អគេហដ្ឋាន កែច្នៃនៅក្នុងរីសត ឬបឹងកាឡូជាដើម។ លោក គួន ឌឿន ដែលជាអ្នកលក់ពូជឫស្សីសាងម៉ុន នៅស្រុកភ្នំព្រឹក ខេត្តបាត់ដំបង បានប្រាប់សារព័ត៌មាន ThmeyThmey25 ថា ប្រភេទដើមឫស្សីសាងម៉ុន បាននិយមដាំក្នុងរយៈពេល២ឆ្នាំចុងក្រោយ នៅកម្ពុជា។
លោក គួន ឌឿន បញ្ជាក់បន្ថែមថា៖ «កាលពី២ឆ្នាំដំបូង អ្នកទិញគាត់យកដាំសម្រាប់ធ្វើជាចំការ ដោយយកផលដំណាំដែលជាទំពាំង ប៉ុន្តែឥឡូវ គឺពួកគាត់ភាគច្រើនដាំសម្រាប់ទុកធ្វើរីសតលក្ខណៈទេសចរណ៍ បឹងហ្គាឡូ និងគ្រឿងសង្ហារិម។ មានអ្នកខ្លះ គាត់ដាំទុកធ្វើសិប្បកម្ម ពេលខ្លះគាត់មានលុយអត់ដឹងធ្វើអ្វី គាត់ក៏ទិញឫស្សីដាំទុកចោលទៅ ប្រហែល២ ទៅ ៣ ឆ្នាំអីទៀត គាត់បង្កើតជារោងជាង សម្រាប់ទុកកែច្នៃបានធ្វើជាសិប្បកម្មបាន»។
តាមលោក គួន ឌឿន ពូជឫស្សីសាងម៉ុននេះ គឺលោកនាំចូលពីប្រទេសថៃ ដែលនៅទីនោះក៏គេនិយមដាំ ព្រោះវាងាយស្រួលថែទាំ និងឆាប់បានផល។ ក្រៅពីឫស្សីសាងម៉ុន លោក ឌឿន ក៏មានលក់ឫស្សីផ្អែម និងឫស្សីពីងពុង និងដើមឈើហូបផ្លែមួយចំនួនទៀតដូចជាទុរេន ដូងក្រអូប សាវម៉ាវ និងខ្នុរជាដើម៕
រូបកូនឫស្សីសាងម៉ុន ពីទំព័រហ្វេសប៊ុក កសិកម្មសាងម៉ុន
រូបភាពពី កសិកម្មភស្រុកភ្នំព្រឹក
រូបភាពពី កសិកម្មភស្រុកភ្នំព្រឹក
© រក្សាសិទ្ធិដោយ thmeythmey.com