COVID-19
ជាតិ
ជនជាតិចិនម្នាក់ ជាសះស្បើយពីកូវីដ-១៩ ខណៈអ្នកជំងឺសល់៨នាក់ រូបភាពពីនាយកដ្ឋានប្រយុទ្ធនឹងជំងឺឆ្លង
× ភ្នំពេញ៖ ក្រសួងសុខាភិបាលនាថ្ងៃទី២៨ ខែសីហានេះ បានបញ្ជាក់ថា មានអ្នកជាសះស្បើយកូវីដ-១៩ ចំនួន១នាក់ទៀតដែលជាជនជាតិចិន អាយុ២៧ឆ្នាំ។ បុរសរូបនេះ គឺបានធ្វើដំណើរមកពីប្រទេសហ្វីលីពីន មកដល់កម្ពុជានៅថ្ងៃទី៩ ខែសីហា។
ចំណែកអ្នកជំងឺ នៅសល់តែ៨នាក់ប៉ុណ្ណោះ និងកំពុងព្យាបាលនៅមណ្ឌលសុខភាពចាក់អង្រែទាំងអស់។ ក្រសួងក៏ប្រកាសថា ពុំមានករណីឆ្លងថ្មីឡើយក្នុងរយៈពេល២សប្តាហ៍មកហើយ។ គិតត្រឹមថ្ងៃទី២៨ ខែសីហានេះ ក្នុងចំណោមអ្នកជំងឺ២៧៣នាក់ មានអ្នកជាសះស្បើយចំនួន២៦៥នាក់ ដោយស្រី៥៤នាក់ បុរស២១១នាក់ ស្មើនឹង៩៧.០៧ភាគរយ៕
© រក្សាសិទ្ធិដោយ thmeythmey.com