ដើម្បីជាការចូលរួមចំណែកជួយសម្រាលបន្ទុក ដល់ដៃគូដែលបាន និងកំពុងប្រើប្រាស់សេវាកម្ម នៅគ្រឹះស្ថានមីក្រូហិរញ្ញវត្ថុ ចម្រើន ប្រជាពលរដ្ឋជាដៃគូរបស់ចម្រើន ចំនួន៣៤១គ្រួសារ ត្រូវបានផ្ដល់ជូនការកញ្ចប់ឧបត្ថម្ភនូវគ្រឿងសម្ភារចាំបាច់ខ្លះៗឆ្លើយតបតម្រូវការរស់នៅប្រចាំថ្ងៃរួមមាន អង្ករ ទឹកត្រី អំបិល ត្រីខកំប៉ុង សាប៊ូ និងអាល់កុលសម្រាប់លាងដៃ ។

 

គួររំលឹកផងដែរថា ចម្រើន ជាគ្រឹះស្ថានមីក្រូហិរញ្ញវត្ថុស្របច្បាប់បានចាប់ផ្តើមប្រតិបត្តិការតាំងតែពីដើមឆ្នាំ២០០៦ មក ហើយមានទស្សនវិស័យរបស់ខ្លួនជាគ្រឹះស្ថានមីក្រូហិរញ្ញវត្ថុឈានមុខគេខាងផ្នែកការងាសង្គម នៅក្នុងប្រទេសកម្ពុជា ហើយកន្លងមកគ្រឹះស្ថាននេះបានធ្វើកិច្ចការទាំងនោះជាបន្តបន្ទាប់ និងបានទទួលវិញ្ញាបនបត្រទទួលស្គាល់ស្នាដៃទាំងនោះជាលក្ខណៈអន្តជាតិជាច្រើនផងដែរ និងថ្មីៗនេះ ចម្រើន បានទទួលបានវិញ្ញាបនប័ត្រការពារអតិថិជន ពីស្ថាប័ន Smart Campaign។ បច្ចុប្បន្ននេះគ្រឹះស្ថានមីក្រូហិរញ្ញវត្ថុចម្រើន មានសាខាចំនួន ២១ ដែលប្រតិបត្តិការក្នុងបណ្តាខេត្តរាជធានីចំនួន ១២ ។ ចំពោះដៃគូបាននិងកំពុងទទួលឥណទានមានសរុប៣៨.៥៦៨ នាក់ ភាគច្រើនជាស្រ្តី ជាមួយនឹងផលបត្រឥណទានសរុបជាង ២៦លានដុល្លារអាមេរិក ។ ក្រៅពីការផ្តល់ឥណទាន ចម្រើន បានផ្តោតសំខាន់ទៅលើការផ្តល់សេវាសេដ្ឋកិច្ចសង្គមមួយចំនួនផេ្សងទៀតផងដែរ ។

 

«ស្រលាញ់សង្គម និងគ្រួសារ ការពារខ្លួនអ្នកពីការឆ្លង ជំងឺកូវីដ១៩»៕