ជាតិ
នយោបាយជាតិ
លោក ប្រាជ្ញ ចន្ទ ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា នៃរដ្ឋសភា ត្រូវបានគណបក្សប្រជាជនកម្ពុជា ជ្រើសរើសជាប្រធានគណៈកម្មាធិការជាតិរៀបចំការបោះឆ្នោត ជំនួសលោក ស៊ិក ប៊ុនហុក ដែលបានសុំលាលែងពីតំណែង។
×![]()
ដោយ: ធឿន បញ្ញាឬទិ្ធ
ភ្នំពេញ៖ លោក ប្រាជ្ញ ចន្ទ ត្រូវបានសភាបោះឆ្នោតផ្ដល់សេចក្តីទុកចិត្ត ជាប្រធានគណៈកម្មាធិការជាតិរៀបចំការបោះឆ្នោត(គជប) ដោយសំឡេងឯកឆ្ឆ័ន ៨២សំឡេង នៅក្នុងកិច្ចប្រជុំពេញអង្គលើកទី៦ នាថ្ងៃទី២៤ មិថុនានេះ។
ក្រោយសភាបោះឆ្នោតគាំទ្រហើយ លោក ប្រាជ្ញ ចន្ទ នឹងត្រូវចូលស្បថកាន់តំណែងជាផ្លូវការតែម្ដង។ លោក ប្រាជ្ញ ចន្ទ ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា នៃរដ្ឋសភា ត្រូវបានគណបក្សប្រជាជនកម្ពុជា ជ្រើសរើសជាប្រធានគណៈកម្មាធិការជាតិរៀបចំការបោះឆ្នោត ជំនួសលោក ស៊ិក ប៊ុនហុក ដែលបានសុំលាលែងពីតំណែង។
កាលពីថ្ងៃទី៤ មិថុនា គណៈកម្មាធិការអចិន្ត្រៃយ៍រដ្ឋសភា បានអនុម័តយល់ព្រមលើសំណើរលាឈប់ពីតួនាទីនិងតំណែងប្រធាននៃគណៈកម្មាធិការជាតិរៀបចំការបោះឆ្នោតរបស់ ស៊ិក ប៊ុនហុក។លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា បានប្រាប់សារព័ត៌មានថ្មីៗ ថា ការសុំលាលែងរបស់លោក ស៊ិក ប៊ុកហុក បច្ចុប្បន្នអាយុ៧៥ឆ្នាំ ក្រោមហេតុផលសុខភាពមិនទៀងទាត់ និងចាស់ទ្រុឌទ្រោម។
កាលពីខែមេសា ឆ្នាំ២០១៥ លោក ស៊ិក ប៊ុនហុក បានកាន់តំណែងជាប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បន្តពីលោក អ៊ឹម សួស្តី ដែលបានកាន់តំណែងនេះ តាំងពីឆ្នាំ២០០២ មក៕
Tag:
ប្រាជ្ញ ចន្ទ
ស៊ិក ប៊ុនហុក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
