លោក ឃុត ឧសភា ប្រាប់សារព័ត៌មានថ្មីៗតាមប្រព័ន្ធទូរស័ព្ទនៅថ្ងៃទី៣០កក្កដានេះថា ក្រុមកម្លាំងអាជ្ញាធរ បានជួយសង្គ្រោះភ្ញៀវទេសចរជាង១០០នាក់ ចេញពីតំបន់ទឹកធ្លាក់ឱម៉ាល់ទៅកាន់ទីសុវត្ថិភាពហើយ។ ករណីនេះ លោកបញ្ជាក់ថា អាជ្ញាធរបានជូនដំណឹងមុនដែរ ពីស្ថានភាពអាកាសធាតុ ប៉ុន្តែ នៅតែមានភ្ញៀវទេសចរ បន្តទៅកម្សាន្តនិងបោះតង់នៅតំបន់ទឹកធ្លាក់។ 

 

ភ្លៀងធ្លាក់ជាបន្តបន្ទាប់ កាលពីយប់ថ្ងៃ២៩កក្កដា បណ្ដាលឱ្យយុវជន៣នាក់ ដែលទៅបោះតង់នៅតំបន់ទឹកធ្លាក់ឱម៉ាល់ បានបាត់ខ្លួន។ ហើយនៅព្រឹកថ្ងៃទី៣០កក្កដា អាជ្ញាធរក៏រកឃើញ យុវតីវ័យក្មេង២នាក់ ក្នុងនោះម្នាក់ បានបាត់បង់ជីវិតដោយសារធ្លាក់ចូលជ្រោះ។ 

 

«ព័ត៌មានបឋម បាត់ខ្លួនយុវជន៣នាក់ ហើយក្នុងនោះ បានរកឃើញស្រី២នាក់ តែម្នាក់បានស្លាប់។ ហើយម្នាក់ទៀតកំពុងស្វែងរក ហើយខ្ញុំមិនទាន់ទទួលព័ត៌មានច្បាស់ទេថា ម្នាក់បាត់ខ្លួនដែលក្រុមការងារកំពុងរកជាប្រុសឬស្រី»។នាយករដ្ឋបាលខេត្តកំពតលើកឡើងបែបនេះ។ 

 

សូមជម្រាបថា ជំនន់ទឹកភ្លៀង កំពុងកើតមាននៅតំបន់មួយចំនួនទៀត មានដូចជាខេត្តកំពង់ស្ពឺ និងកោះកុង៕ 

 

d