ជាតិ
នយោបាយជាតិ
លោក កែម រិទ្ធិសិត ប្អូនប្រុសលោក កែម ឡី kem_rithisit
×![]()
ដោយ: ធឿន បញ្ញាឬទិ្ធ
ភ្នំពេញ៖ គណបក្សខ្មែរតែមួយ បានត្រៀមខ្លួនរួចរាល់ហើយ សម្រាប់ការចូលរួមបោះឆ្នោតជ្រើសរើសតំណាងរាស្ត្រអាណត្តិទី៦ ខាងមុខនេះ។ គណបក្សខ្មែរតែមួយនេះ ដឹកនាំដោយលោក កែម រិទ្ធិសិត ប្អូនប្រុសលោក កែម ឡី។
បើទោះជាគណបក្សដទៃ ហាក់រារែកក្នុងការប្រកួតប្រជែងបោះឆ្នោត ដោយសារបញ្ហានយោបាយក្តី ក៏គណបក្សខ្មែរតែមួយ នៅតែចូលរួមប្រកួតដែរ។ នេះជាការបញ្ជាក់របស់លោក កែម រិទ្ធិសិត ប្រធានគណបក្សខ្មែរតែមួយ ដែលបានបន្ថែមថា គណបក្សលោកកំពុងដំណើរការរៀបចំបេក្ខភាពបក្សនៅតាមមណ្ឌលនីមួយៗ ដើម្បីប្រជែងយកកៅអីរដ្ឋសភាហើយ។
បើតាមលោក កែម រិទ្ធិសិត គណបក្សលោកនឹងដាក់បេក្ខភាពប្រកួតប្រជែងនៅតាមខេត្តចំនួន១៧ រួមមានខេត្តតាកែវ កណ្ដាល កំពង់ស្ពឺ ខេត្តព្រះសីហនុ និងកំពតជាដើម។ ចំណែកខេត្តចំនួន៨ទៀត ក្នុងនោះមានខេត្តប៉ៃលិន ឧត្តរមានជ័យ ក្រចេះ ស្ទឹងត្រែង មណ្ឌលគីរី ព្រះវិហារ កែប និងកោះកុង គណបក្សលោកមិនដាក់បេក្ខភាពប្រកួតប្រជែងទេ។
សម្រាប់ការចូលរួមប្រកួតសំឡេងឆ្នោតនេះ លោក រិទ្ធិសិត មានក្តីរំពឹងលើកិត្តិនាមរបស់បងប្រុសខ្លួន គឺលោក កែម ឡី ដែលត្រូវបានគេទទួលស្គាល់ថា ទស្សនបណ្ឌិតលោក តែងតែផ្ដល់ដំណោះស្រាយសង្គម និងបញ្ហាជាតិ កាលពីគាត់នៅមានជីវិត។ បើនិយាយពីអបិយជំនឿវិញលោក រិទ្ធិសិត បានបញ្ជាក់ថា គណបក្សលោកនឹងអាចទទួលបាន៥កៅអី សម្រាប់ការបោះឆ្នោតខាងមុខ ដោយយោងទៅតាមការទស្សទាយរបស់អ្នកសច្ចំម្នាក់ នៅខេត្តបន្ទាយមានជ័យ។
ថ្លែងប្រាប់សារព័ត៌មានថ្មីៗ ប្អូនលោកកែមឡីរូបនេះ បានបញ្ជាក់ដូច្នេះថា៖«ខ្ញុំមានជំនឿលើបារមីរបស់លោកបណ្ឌិត កែម ឡី ដែលលោកតែងតែជួយដោះស្រាយបញ្ហាសង្គម និងបញ្ហាជាតិ។ ហើយបើក្នុងផ្លូវក្នុង(អបិយជំនឿ)វិញ គណបក្សខ្ញុំនឹងអាចបាន៥អាសនៈ ព្រោះមានអ្នកសច្ចំនៅខេត្តបន្ទាយមានជ័យ ដែលជាអ្នកបួសរៀន បានទាយឲ្យគណបក្សខ្ញុំ។ ហើយនិយាយផ្លូវក្រៅ(សកម្មភាពអនុវត្ត)វិញ គឺខ្ញុំសង្ឃឹមលើធនធាន បានន័យថា បើមានធនធាន លុយកាក់ច្រើន យើងអាចមានលទ្ធភាពខ្ពស់ ក្នុងការពង្រឹងបក្សយើង សម្រាប់ការបោះឆ្នោត…។ ដូច្នេះខ្ញុំជឿទាំងផ្លូវក្នុង និងផ្លូវក្រៅ ប៉ុន្តែបើលទ្ធផលយ៉ាងណាក៏យើងទទួលយកដែរ មិនចាំបាច់ទាល់តែបាន៥កៅអី ឬ៣កៅអីឡើយ»។
គណបក្សខ្មែរតែមួយ ត្រូវបានក្រសួងមហាផ្ទៃ ទទួលស្គាល់ជាផ្លូវការ កាលពីថ្ងៃទី៧ មេសាកន្លងមក បន្ទាប់ពីគណបក្សនេះ បានប្ដូរឈ្មោះពីគណបក្ស កែម ឡី ស្របតាមលក្ខន្តិករបស់ក្រសួងមហាផ្ទៃ។ កន្លងមកលោក កែម រិទ្ធិសិត បាននិយាយថា ការបង្កើតគណបក្សថ្មីឡើងនេះ គឺមានគោលបំណងយកទស្សនទានល្អៗ របស់លោកបណ្ឌិត កែម ឡី ទៅបន្តចូលរួមចំណែកក្នុងការអភិវឌ្ឍប្រទេសជាតិ។
គួរបញ្ជាក់ថា គណៈកម្មាធិការជាតិរៀបចំការបោះឆ្នោត នឹងចាប់ផ្ដើមដំណើរការទទួលពាក្យគណបក្សនយោបាយ និងបេក្ខជនឈរឈ្មោះបោះឆ្នោត នៅថ្ងៃទី២៩ មេសាខាងមុខនេះ ដើម្បីចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រ ដែលប្រព្រឹត្តទៅនៅថ្ងៃទី២៩ កក្កដា៕
បើទោះជាគណបក្សដទៃ ហាក់រារែកក្នុងការប្រកួតប្រជែងបោះឆ្នោត ដោយសារបញ្ហានយោបាយក្តី ក៏គណបក្សខ្មែរតែមួយ នៅតែចូលរួមប្រកួតដែរ។ នេះជាការបញ្ជាក់របស់លោក កែម រិទ្ធិសិត ប្រធានគណបក្សខ្មែរតែមួយ ដែលបានបន្ថែមថា គណបក្សលោកកំពុងដំណើរការរៀបចំបេក្ខភាពបក្សនៅតាមមណ្ឌលនីមួយៗ ដើម្បីប្រជែងយកកៅអីរដ្ឋសភាហើយ។
បើតាមលោក កែម រិទ្ធិសិត គណបក្សលោកនឹងដាក់បេក្ខភាពប្រកួតប្រជែងនៅតាមខេត្តចំនួន១៧ រួមមានខេត្តតាកែវ កណ្ដាល កំពង់ស្ពឺ ខេត្តព្រះសីហនុ និងកំពតជាដើម។ ចំណែកខេត្តចំនួន៨ទៀត ក្នុងនោះមានខេត្តប៉ៃលិន ឧត្តរមានជ័យ ក្រចេះ ស្ទឹងត្រែង មណ្ឌលគីរី ព្រះវិហារ កែប និងកោះកុង គណបក្សលោកមិនដាក់បេក្ខភាពប្រកួតប្រជែងទេ។
សម្រាប់ការចូលរួមប្រកួតសំឡេងឆ្នោតនេះ លោក រិទ្ធិសិត មានក្តីរំពឹងលើកិត្តិនាមរបស់បងប្រុសខ្លួន គឺលោក កែម ឡី ដែលត្រូវបានគេទទួលស្គាល់ថា ទស្សនបណ្ឌិតលោក តែងតែផ្ដល់ដំណោះស្រាយសង្គម និងបញ្ហាជាតិ កាលពីគាត់នៅមានជីវិត។ បើនិយាយពីអបិយជំនឿវិញលោក រិទ្ធិសិត បានបញ្ជាក់ថា គណបក្សលោកនឹងអាចទទួលបាន៥កៅអី សម្រាប់ការបោះឆ្នោតខាងមុខ ដោយយោងទៅតាមការទស្សទាយរបស់អ្នកសច្ចំម្នាក់ នៅខេត្តបន្ទាយមានជ័យ។
ថ្លែងប្រាប់សារព័ត៌មានថ្មីៗ ប្អូនលោកកែមឡីរូបនេះ បានបញ្ជាក់ដូច្នេះថា៖«ខ្ញុំមានជំនឿលើបារមីរបស់លោកបណ្ឌិត កែម ឡី ដែលលោកតែងតែជួយដោះស្រាយបញ្ហាសង្គម និងបញ្ហាជាតិ។ ហើយបើក្នុងផ្លូវក្នុង(អបិយជំនឿ)វិញ គណបក្សខ្ញុំនឹងអាចបាន៥អាសនៈ ព្រោះមានអ្នកសច្ចំនៅខេត្តបន្ទាយមានជ័យ ដែលជាអ្នកបួសរៀន បានទាយឲ្យគណបក្សខ្ញុំ។ ហើយនិយាយផ្លូវក្រៅ(សកម្មភាពអនុវត្ត)វិញ គឺខ្ញុំសង្ឃឹមលើធនធាន បានន័យថា បើមានធនធាន លុយកាក់ច្រើន យើងអាចមានលទ្ធភាពខ្ពស់ ក្នុងការពង្រឹងបក្សយើង សម្រាប់ការបោះឆ្នោត…។ ដូច្នេះខ្ញុំជឿទាំងផ្លូវក្នុង និងផ្លូវក្រៅ ប៉ុន្តែបើលទ្ធផលយ៉ាងណាក៏យើងទទួលយកដែរ មិនចាំបាច់ទាល់តែបាន៥កៅអី ឬ៣កៅអីឡើយ»។
គណបក្សខ្មែរតែមួយ ត្រូវបានក្រសួងមហាផ្ទៃ ទទួលស្គាល់ជាផ្លូវការ កាលពីថ្ងៃទី៧ មេសាកន្លងមក បន្ទាប់ពីគណបក្សនេះ បានប្ដូរឈ្មោះពីគណបក្ស កែម ឡី ស្របតាមលក្ខន្តិករបស់ក្រសួងមហាផ្ទៃ។ កន្លងមកលោក កែម រិទ្ធិសិត បាននិយាយថា ការបង្កើតគណបក្សថ្មីឡើងនេះ គឺមានគោលបំណងយកទស្សនទានល្អៗ របស់លោកបណ្ឌិត កែម ឡី ទៅបន្តចូលរួមចំណែកក្នុងការអភិវឌ្ឍប្រទេសជាតិ។
គួរបញ្ជាក់ថា គណៈកម្មាធិការជាតិរៀបចំការបោះឆ្នោត នឹងចាប់ផ្ដើមដំណើរការទទួលពាក្យគណបក្សនយោបាយ និងបេក្ខជនឈរឈ្មោះបោះឆ្នោត នៅថ្ងៃទី២៩ មេសាខាងមុខនេះ ដើម្បីចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រ ដែលប្រព្រឹត្តទៅនៅថ្ងៃទី២៩ កក្កដា៕
Tag:
កែម ឡី
កែម រិទ្ធិសិត
បោះឆ្នោត
© រក្សាសិទ្ធិដោយ thmeythmey.com
