ជាតិ
នយោបាយជាតិ
ក្រោយសម្តេច ហ៊ុន សែន បើកភ្លើងខៀវឲ្យចូលខ្មែរវិញ លោក លឺ ឡាយស្រេង ថាលែងហ៊ាននិយាយជ្រុលជ្រួសហើយ
លោក លឺ ឡាយស្រេង អរគុណសម្តេច ហ៊ុន សែន ដែលបើកផ្លូវឲ្យខ្លួនចូលស្រុកវិញ
×![]()
ដោយ: ថ្មីៗ
លោក លឺ ឡាយស្រេង អាយុ៨១ឆ្នាំ អតីតមន្ត្រីជាន់ខ្ពស់គណបក្សហ្វ៊ុនស៊ិនប៉ិច បានបង្ហោះឃ្លីបវីដេអូ អរគុណសម្តេចនាយករដ្ឋមន្ត្រី ហ៊ុន សែន ដែលបានបើកផ្លូវឲ្យខ្លួនវិលទៅកាន់កម្ពុជាវិញ បន្ទាប់ពីនិរទេសខ្លួនទៅបរទេសអស់រយៈពេលប្រមាណ២ឆ្នាំ ដោយសារតែបានប្រើពាក្យសំដីមិនសមរម្យសំដៅទៅព្រះមហាក្សត្រក្នុងការសន្ទនាមួយតាមទូរសព្ទ កាលពីអំឡុងឆ្នាំ២០១៧។
ក្នុងឃ្លីបវីដេអូដែលបង្ហោះលើហ្វេសប៊ុករបស់ខ្លួន លោក លឺ ឡាយស្រេង បានសំដែងការរីករាយចំពោះការយោគយល់របស់សម្តេច ហ៊ុន សែន ចំពោះលោកដែលធ្លាប់បម្រើការជាមន្ត្រីរដ្ឋាភិបាល៣អណត្តិ។
លោក លឺ ឡាយស្រេង ដែលជាអតីតរដ្ឋមន្ត្រីក្រសួងព័ត៌មាន និងជាឧបនាយករដ្ឋមន្ត្រីកូតាហ្វ៊ុនស៊ិនប៉ិចនោះ បានអះអាងលោកលែងហ៊ាននិយាយអ្វីជ្រុលជ្រួសទៀតហើយ ជាពិសេសទៅលើព្រះករុណាព្រះមហាក្សត្រ។ «តាចាស់នេះ គួរតែធ្វើបុណ្យធ្វើទានធ្វើមូលនិធិ ទទួលចាស់ទៅនៅជាមួយល្អជាជាង»។ លោកបានលើកឡើងដូច្នេះ។
លោក លឺ ឡាយស្រេង រងការចោទប្រកាន់ថាបានប្រមាថព្រះមហាក្សត្រ តាមរយៈការសន្ទនាតាមទូរសព្ទ ប៉ុន្តែលោកក៏ចេញមុខសុំព្រះរាជទោសផងដែរនាពេលនោះ ដោយលោកបានលើកឡើងថា៖ «ខ្ញុំទទួលស្គាល់ថាខ្ញុំមានប្រើពាក្យលើសលួសខ្លះៗ។ ដូច្នេះសូមអភ័យទោសដល់បងប្អូនទាំងអស់ ជាពិសេសសម្តេចនាយករដ្ឋមន្ត្រី និងព្រះមហាក្សត្រ។ ខ្ញុំដូចជាព្រួយបារម្ភខ្លាំងពេក ចេះតែនិយាយផ្តេសផ្តាសទៅក៏មាន។ ប៉ុន្តែ ខ្ញុំ មិនដែលមានចិត្តប្រមាថកាតទានទេ សូម្បីនាយករដ្ឋមន្ត្រី»។
បន្ថែមពីលើនេះទៀត លោក លឺ ឡាយស្រេង ក៏រងការចោទពីបទ «បរិហារកេរ្តិ៍ជាសាធារណៈ» ផងដែរ ដោយលោកបាន និយាយកាលពីដើមខែតុលា ឆ្នាំ២០១៧ ថា សម្តេច ហ៊ុន សែន ប្រធានគណបក្សប្រជាជនកម្ពុជា បានផ្តល់ប្រាក់ប្រមាណ ១លានដុល្លារ ដល់គណបក្សហ្វ៊ុនស៊ិនប៉ិច ជាថ្នូរនៃការប្តឹងសុំឲ្យរំលាយគណបក្សសង្គ្រោះជាតិ។
ទោះបីជាយ៉ាងណាក៏ដោយ សម្តេច ហ៊ុន សែន បានអះអាងកាលពីថ្ងៃទី១ ខែមេសា ថា លោក លឺ ឡាយស្រេង មិនចាំបាច់បារម្ភពេលវិលមកកាន់កម្ពុជាវិញនោះឡើយ។ សម្តេចប្រកាសជាសាធារណៈថានឹងគ្មានការចោទប្រកាន់ទៅលើរូប លោក លឺ ឡាយស្រេង ទេ៕
អត្ថបទទាក់ទង
ក្នុងឃ្លីបវីដេអូដែលបង្ហោះលើហ្វេសប៊ុករបស់ខ្លួន លោក លឺ ឡាយស្រេង បានសំដែងការរីករាយចំពោះការយោគយល់របស់សម្តេច ហ៊ុន សែន ចំពោះលោកដែលធ្លាប់បម្រើការជាមន្ត្រីរដ្ឋាភិបាល៣អណត្តិ។
លោក លឺ ឡាយស្រេង ដែលជាអតីតរដ្ឋមន្ត្រីក្រសួងព័ត៌មាន និងជាឧបនាយករដ្ឋមន្ត្រីកូតាហ្វ៊ុនស៊ិនប៉ិចនោះ បានអះអាងលោកលែងហ៊ាននិយាយអ្វីជ្រុលជ្រួសទៀតហើយ ជាពិសេសទៅលើព្រះករុណាព្រះមហាក្សត្រ។ «តាចាស់នេះ គួរតែធ្វើបុណ្យធ្វើទានធ្វើមូលនិធិ ទទួលចាស់ទៅនៅជាមួយល្អជាជាង»។ លោកបានលើកឡើងដូច្នេះ។
លោក លឺ ឡាយស្រេង រងការចោទប្រកាន់ថាបានប្រមាថព្រះមហាក្សត្រ តាមរយៈការសន្ទនាតាមទូរសព្ទ ប៉ុន្តែលោកក៏ចេញមុខសុំព្រះរាជទោសផងដែរនាពេលនោះ ដោយលោកបានលើកឡើងថា៖ «ខ្ញុំទទួលស្គាល់ថាខ្ញុំមានប្រើពាក្យលើសលួសខ្លះៗ។ ដូច្នេះសូមអភ័យទោសដល់បងប្អូនទាំងអស់ ជាពិសេសសម្តេចនាយករដ្ឋមន្ត្រី និងព្រះមហាក្សត្រ។ ខ្ញុំដូចជាព្រួយបារម្ភខ្លាំងពេក ចេះតែនិយាយផ្តេសផ្តាសទៅក៏មាន។ ប៉ុន្តែ ខ្ញុំ មិនដែលមានចិត្តប្រមាថកាតទានទេ សូម្បីនាយករដ្ឋមន្ត្រី»។
បន្ថែមពីលើនេះទៀត លោក លឺ ឡាយស្រេង ក៏រងការចោទពីបទ «បរិហារកេរ្តិ៍ជាសាធារណៈ» ផងដែរ ដោយលោកបាន និយាយកាលពីដើមខែតុលា ឆ្នាំ២០១៧ ថា សម្តេច ហ៊ុន សែន ប្រធានគណបក្សប្រជាជនកម្ពុជា បានផ្តល់ប្រាក់ប្រមាណ ១លានដុល្លារ ដល់គណបក្សហ្វ៊ុនស៊ិនប៉ិច ជាថ្នូរនៃការប្តឹងសុំឲ្យរំលាយគណបក្សសង្គ្រោះជាតិ។
ទោះបីជាយ៉ាងណាក៏ដោយ សម្តេច ហ៊ុន សែន បានអះអាងកាលពីថ្ងៃទី១ ខែមេសា ថា លោក លឺ ឡាយស្រេង មិនចាំបាច់បារម្ភពេលវិលមកកាន់កម្ពុជាវិញនោះឡើយ។ សម្តេចប្រកាសជាសាធារណៈថានឹងគ្មានការចោទប្រកាន់ទៅលើរូប លោក លឺ ឡាយស្រេង ទេ៕
Tag:
លឺ ឡាយស្រេង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 13 វិនាទី
