ជាតិ
សេដ្ឋកិច្ច
សម្ដេច ហ៊ុន សែន៖ រដ្ឋាភិបាលកម្ពុជា ចាត់ទុកវិស័យទេសចរណ៍ជាវិស័យអាទិភាព និងជា «មាសបៃតង»
សម្ដេច ហ៊ុន សែន ដើរទស្សនាពិព័រណ៍ក្នុងពិធីបុណ្យសមុទ្រ។ រូបភាពពី SPM
×![]()
ភ្នំពេញ៖ ក្នុងពិធីបើកបុណ្យសមុទ្រលើកទី៩ ជុំទី៣ នៅខេត្តព្រះសីហនុ ក្រោមប្រធានបទ «ឆ្នេរនៃសន្ដិភាព ឆ្នេរនៃក្ដីសង្ឃឹម» សម្ដេច ហ៊ុន សែន បានអះអាង រាជរដ្ឋាភិបាលកម្ពុជា បានចាត់ទុកវិស័យទេសចរណ៍ជាវិស័យអាទិភាព និងជា «មាសបៃតង» ក្នុងការរួមចំណែកដល់ការអភិវឌ្ឍសង្គម-សេដ្ឋកិច្ច។ 
វិស័យទេសចរណ៍ ជាវិស័យមួយដែលរួមចំណែកក្នុងការជួយដល់សេដ្ឋកិច្ចជាតិកម្ពុជា។ សម្ដេច ហ៊ុន សែន បានមានប្រសាសន៍ដូច្នេះ៖ «រាជរដ្ឋាភិបាលកម្ពុជា បានចាត់ទុកវិស័យទេសចរណ៍ជាវិស័យអាទិភាព និងជា «មាសបៃតង» ក្នុងការរួមចំណែកដល់ការអភិវឌ្ឍសង្គម-សេដ្ឋកិច្ច»។
សម្ដេច ហ៊ុន សែន ដើរទស្សនាពិព័រណ៍ក្នុងពិធីបុណ្យសមុទ្រ។ រូបភាពពី SPM
សម្ដេច ហ៊ុន សែន ដើរទស្សនាពិព័រណ៍ក្នុងពិធីបុណ្យសមុទ្រ។ រូបភាពពី SPM
ថ្លែងក្នុងពិធីបើកបុណ្យសមុទ្រលើកទី៩ ជុំទី៣ នៅខេត្តព្រះសីហនុ សម្ដេចនាយករដ្ឋមន្រ្តី បន្តថា ការចូលរួមរបស់វិស័យទេសចរណ៍កើតឡើង តាមរយៈការបង្កើតឱកាសការងារ បង្កើនប្រាក់ចំណូលជូនប្រជាពលរដ្ឋដោយផ្ទាល់ និងប្រយោល ដោយជំរុញការនាំចេញនៅនឹងកន្លែង បង្កើនចំណូលជាតិ ទ្រទ្រង់កំណើនសេដ្ឋកិច្ច។
ជាមួយគ្នានេះ វិស័យទេសចរណ៍ ក៏បានចូលរួមដល់ការអភិរក្សវប្បធម៌ និងថែរក្សាការពារបរិស្ថាន និងធនធានធម្មជាតិប្រកបដោយប្រសិទ្ធភាព និងការទទួលខុសត្រូវ។ បើតាមសម្ដេច វិស័យទេសចរណ៍ បានរួមចំណែកសម្រេចគោលដៅអភិវឌ្ឍន៍ទៅជា «កម្ពុជាជាប្រទេសចំណូលមធ្យមកម្រិតខ្ពស់ នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០»។
សម្ដេច ហ៊ុន សែន ដើរទស្សនាពិព័រណ៍ក្នុងពិធីបុណ្យសមុទ្រ។ រូបភាពពី SPM
សម្ដេច ហ៊ុន សែន បន្តរំឭកពីការចូលជាសមាជិកក្លឹបឆ្នេរសមុទ្រដែលស្អាតបំផុតលើសកលលោក របស់កម្ពុជាផងដែរ។ ត្រង់ចំណុចនេះ ប្រមុខដឹកនាំកម្ពុជា បញ្ជាក់ថា៖ «ចាប់តាំងពីឆ្នាំ២០១១ ពិតជាបានស្ដែងឱ្យឃើញពីរបត់ថ្មីនៃការប្រែប្រួលមុខមាត់ជាបន្តបន្ទាប់ របស់តំបន់ឆ្នេរសមុទ្រកម្ពុជាទាំងលើទិដ្ឋភាពសង្គម សេដ្ឋកិច្ច ទេសចរណ៍ នគរូបនីយកម្ម និងបរិស្ថាន»។
អត្ថបទទាក់ទង
សូមបញ្ជាក់ថា ឆ្នេរសមុទ្រកម្ពុជា ក្របដណ្ដប់លើខេត្តចំនួន ៤ រួមមាន ខេត្តព្រះសីហនុ ខេត្តកែប ខេត្តកំពត និងខេត្តកោះកុង និងបានប្រសិទ្ធនាមថា «តារារះនាទិសនិរតី»៕
Tag:
ទេសចរណ៍
ហ៊ុន សែន
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
