អន្តរជាតិ
លោក Srettha Thavisin ទទួលបានសំឡេងគាំទ្រគ្រប់គ្រាន់ធ្វើជានាយករដ្ឋមន្រ្តីថៃ លោក Srettha Thavisin បេក្ខជននាយករដ្ឋមន្រ្តីថៃ របស់បក្សភឿថៃ នៅក្នុងខែឧសភាកន្លងមក។ រូបភាព AFP
× សភាថៃ នៅថ្ងៃទី២២ ខែសីហា បានបោះឆ្នោតគាំទ្រ លោក Srettha Thavisin ជានាយករដ្ឋមន្រ្តីថៃជាផ្លូវការ។ លោក Srettha ជាបុគ្គលតែម្នាក់គត់ ដែលត្រូវបានតែងតាំងជាបេក្ខជននាយករដ្ឋមន្រ្តីនៅក្នុងការបោះឆ្នោតសភារួមគ្នាទាំងពីរថ្នាក់។
ក្រោយការជជែកដេញដោលជាច្រើនម៉ោង លោក Srettha Thavisin បានទទួលសំឡេងគាំទ្រគ្រប់គ្រាន់ពីសភាទាំងពីរថ្នាក់ រដ្ឋសភា និងព្រឹទ្ធសភា ដើម្បីធ្វើជានាយករដ្ឋមន្រ្តីថៃ។ លោក Srettha Thavisin ជាបេក្ខជនឈរឈ្មោះតែមួយគត់នៅក្នុងការបោះឆ្នោតរួមគ្នារវាងរដ្ឋសភា និងព្រឹទ្ធសភា។
លោក Srettha ទទួលបានសំឡេងចំនួនលើស៣៧៦ពីសមាជិកសភាទាំង២ ខណៈដែលការបោះឆ្នោតកំពុងធ្វើនៅឡើយ។
ថៃបានជាប់គាំងក្នុងវិបត្តិនយោបាយជាច្រើនថ្ងៃមកហើយ បើគិតចាប់តាំងពីថ្ងៃទី១៣ ខែកក្កដា នៅពេលដែលសភាថៃ មិនគាំទ្រលោក Pita Limjaroenrat ជានាយករដ្ឋមន្រ្តី។
គួររំឭកថា ការបោះឆ្នោតគាំទ្រលោក Srettha ពីសំណាក់សភាថៃ ធ្វើជានាយករដ្ឋមន្រ្តីនេះ ធ្វើឡើងក្រោយបក្សភឿថៃ បានរួមសម្ព័ន្ធភាពជាមួយបក្សគាំទ្រដោយយោធា នៅពេលកន្លងទៅ៕
© រក្សាសិទ្ធិដោយ thmeythmey.com